Tuesday, April 29, 2014

FESTUM S. CATHARINÆ SENENSIS, VIRGINIS ET ECCLESIÆ DOCTORIS


Te, Catharína, máximis
nunc venerámur láudibus,
cunctæ lumen Ecclésiæ,
sertis ornáta plúrimis.

Magnis aucta virtútibus
et vita florens ínclita,
húmili mente ac strénua
per crucis pergis trámitem.

Stella vidéris pópulis
salúbris pacis núntia;
mores restáuras óptimos,
feróces mulces ánimos.

Sancto compúlsa Spíritu,
igníta verba lóqueris,
quæ lucem sapiéntiæ,
æstus amóris íngerunt.

Tuis confísos précibus,
virgo dilécta Dómino,
nos caritáte cóncitos
fac Sponsi regna quærere.

Iesu, tibi sit glória,
qui natus es de Vírgine,
cum Patre et almo Spíritu

in sempitérna sæcula. Amen.