Friday, November 7, 2014

FESTUM OMNIUM SANCTORUM ORDINIS PRÆDICATORUM


Salvéte, cedri Líbani, plantæ viréntes Ordinis,
quæ prata nunc cæléstia implétis almo gérmine.

Vos Trinitátis glória ætérna circumpléctitur,
vos aura Matris Vírginis mulcet piis favóniis.

Vos angelórum cúriæ cingunt choréa pérpetim,
et írrigant puríssimi æternitátis rívuli.

O ínclitæ propágines, vestros iuváte fílios,
in valle mesta débiles nos roboráte súrculos.

Sit laus Patri cum Fílio, simúlque dulci Flámini,
læti quibúscum vívitis in sempitérna lúmine. Amen.