Saturday, April 25, 2015

FESTUM S. MARCI, EVANGELISTÆ

St. Peter Preaching in the Presence of St. Mark - Fra Angelico
Méntibus lætis tua festa, Marce,
atque pergrátis celebrámus omnes,
magna qui Christi tribuísse plebi
  te memorámus.

Matris exémplis, vénerans amóre
férvido Petrum, séqueris fidélis,
verba de Christi lábiis ab ipso
  hausta recóndis.

Spíritu accénsus, módico libéllo
mira tu summi réseras Magístri
gesta, tu narras quibus et loquélis
  ínstruat orbem.

Carus et Paulo, studiósus eius
cordis ardóres ímitans, labóras,
multa pro Iesu páteris, cruórem
  fundis amánter.

Laus, honor Christo, decus atque virtus,
cuius et testes valeámus esse,
ac, tuis escis recreáti, in ævum
 cérnere vultum. Amen.