Monday, March 7, 2016

FESTUM S. THOMÆ DE AQUINO, PRESBYTERI ET ECCLESIÆ DOCTORIS

Te Thoma, méritis láudibus ámbiunt
qui te conspíciunt númine cælico
sæclis propósitum, lúmine ut áfferas
divo fonte salúbriter.

Morum mundíties te quoque prædicat
quem puris símilem præstitit Angelis,
ac vultum Dómini nunc sine término
largítu tibi límpidum.

Non te, divítiæ, prædiam, stémmata
obléctant: húmilis per crucis áspera
tu Christum séqueris, nisu in ómnibus
eius quærere glóriam.

Humáni géneris qui decus énites,
mundo restítuas íntegra dógmata,
da castis hómines áctibush hæreant,
Christi iússaque díligant.

Sint laudis Tríadi cántica iúgiter,
quæ te miríficis compsit honóribus,
quæ donet sócios nos tibi pérfrui
pacis múnere pérpetis. Amen.